(च्वापुका:चा
क्वथाय् सुटकेशय् लं धमाधम pack यानाच्वनीबले च्वाकिंचा थ्यनी |)
च्वाकिं: अय्
च्वापुका:......सुटकेशय् लं pack याना: गन वनेत्यनाम्ह छ?
च्वापुका: गन वनी?......नेपाल
त्व:ता: विदेशय् वने त्यनागु का छु याये !
च्वाकिं: विदेश
वनेत्यनागु !......छाय् छन्त नं D.V. लातकि छु ? छुपेरुस्तम.....थ: थ: जक याक:चा D.V.
भरे याना:......जिमित छुं मधा:से....
च्वापुका: मखु थ्व
नेपालीतय्त गज्या:गु भूत सवार जूगु धया? मचानिसें ल्याय्म्ह, ल्यासे,
बुरातक्क....न्ह्याम्हं खाली D.V....D.V....मानों कि डि.भि. धा:गु D for Devata, V
for Vagwan थें का
च्वाकिं: कर्पिन्त छु
धैच्वनागु !....छ ले, थ: चाहिं सुटुक्क विदेश वनेगु, कर्पिन्त चाहिं कुं खिनेगु
गुलि तक्क जायजगु खँ ले?
च्वापुका: जि छु D.V.
लानां अमेरिका वनेत्यनाम्ह ला छं आम्थे धायेत.....
च्वाकिं: अहो.......छ
मावय्चरं अमेरिका वनेत्यनाम्ह का मखु ला.....छाय्? आ: थन नेपालय् चुनाव जुइ मखुत
धका:....अन जुइत्यंगु राष्ट्रपतिया चुनावय् भोट कुर्का वने त्यनागु ला?
च्वापुका: अँ ख: अन चुनावय्
दंपिनि थन च्वंपिं नेतातय्सं थें धाँधली याना: त्याकेमा: धका: जित: अन भोट कुर्के
बीगु जुइ का मखु ला? ल्वाप्पा नका हैका ल्वाप्पा.....
च्वाकिं: अले छ पापा
नकीगु देशय् वनेमा:गु छाय् ?
च्वापुका: आ: छु यायेगु ले
थन नेपालय् उखुनु द्वादशी खुनु थंगु य:सिं क्व:दल
च्वाकिं: मखु थ्व य:सिं
क्व:दलीगु व छ अमेरिकाय् वनेगु नाप छु सम्बन्ध दु?
च्वापुका: जि नं ला वहे
धैच्वनागु नि....व य:सिं क्व:द:गु अले एरोप्लेन एक्सिडेन्त जूगु नाप छु सम्बन्ध
दु? मनूतय्सं नं म्वा:मदुगु हल्ला जुइगु बा......
च्वाकिं: हल्ला ल आ:
थौंकन्हय् पुलांम्ह महाराजं याना जुल धायेगु ला कि उया चम्चातय्सं याना जुल
धायेगुनीसा, य:सिं क्वदलकि अनर्थ अनिष्ट जुइय: धका:
च्वापुका: मस्यु
नि.....वला वंहे स्यूका २५० दँया संस्था क्व:द:बले स्वैत अनर्थ व अनिष्ट जुल....आ:
थ्व जाबो २५० फिटया य:सिं क्व:द:बले थपाय्च: छाय् बबाल डट कम....येँया: पुन्हीया
जात्रा सिधलकि ला य:सिं ला अथें हे क्व:थली नि क्या.....
च्वाकिं: हरे थ्व नेपालय्
क्वदलिइगु व क्वथलेगु खँ बाहेक छुं मदु....लोडसेडिङया समस्या हे समाधान जुइगु अरुण
जलविधुत प्रोजेक्ट नं अथें हे क्व:थल....आ: ल:या समस्या समाधान जुइगु ‘मेलम्ची’ नं
क्व:थलेगु सुरसार यानाच्वंगु दु.....थथे याना: देश निर्माण जुइगु गुबले?
च्वापुका: देश निर्माण
यायेत ला छ जि जाय्मानी का.....जनता छप्पँ छधी जुइमानी का.....थ्व: नेतानाता
धा:पिन्सं थ:गु भोरी निर्माण यायेगु बाहेक मेगु छुं हे वास्ता याइमखु |
(धाधां सुटकेशं घ्वारा घ्वारा लं लिकाइ |)
