(च्वापुका: छगू ऐतिहासिक, कलात्मक अले भराय् दंगु कुर्सिइ मुसुमुसु न्ह्युंन्ह्युं ग्वाय् पित्तुपिया च्वंच्वनी । च्वाकिं तसकं हे ई चुलुचुलु वंक, तसकं लोभि पह: वयेक, म्हुतुं ला: त्वाल्ल हे वैला धैथें कुर्सियात छक: छक:, च्वापुका:यात छक: छक: स्वयाच्वनी ।)
च्वाकिं: (तसकं छट्पटय् जुया:) अय् च्वापुका: ....सय् ले .....छक: जित: नं आम कुर्सिइ च्वने मास्तेवल छक: जित: नं ति ले ....
च्वापुका: (गम ननं) मदयेक मगा: धका: छन्त थ्व कुर्सिइ तयेमाली का ....जिमि नापं गुलि तपस्या याना: झिदं झिदं तक्क कसरत याना, नाना कथंया अभ्यास याना: बल्ल तल्लं प्राप्त जूगु थज्या:गु हट सेटय् छंगु मात्र छगू इनापं छन्त फ्यतुके माली का मखु ला ...
च्वाकिं: अथे धायेमते ले बिन्ती ....स्व बरु जि फ्यतुई सातं जुरुक्क हे दनावये ...मात्र एक सेकेण्ड जक .....उलि ला विश्वास या छं ।
च्वापुका: छन्त विश्वास याना: ला ख: नि संविधान सभा विघटन जूगु ... उकें विश्वास यायेगु खँय् भचा बिचा: यायेमाली बा ....
च्वाकिं: (भचा चाकरी यायां न्हिला:) हिं ....हिं ....अथे धाय्मतेले च्वापुका: स्व बरु जिं न्हिला: न्हिला: छन्त request याय् please द: छक: आम कुर्सिइ फ्यतुके ब्यु .....हिं ...हिं ....हिं ....हिं .....
च्वापुका: छन्त थ्व कुर्सिइ फ्यतुकेगु ला चान्स हे मदु ...न्हिला: न्हिला: जक धयाँ जिइ ला मैं ?
च्वाकिं: (भचा ख्वखना सलं चाकरी याइ) ...उहुँ ...उहुँ ....अथे धायेमतेले च्वापुका: उहुँ ...उहुँ .....थपाय्च: करुण सलं request यासेंलि ला फ्यतुकेमा: नि ....
च्वापुका: जिं छन्त न्हापा धैथें या:गुसा आम्थे न्हिला: वा ख्वया: जित: इनाप याना च्वने हे मालीगु मखु ....उकें जिं धा:थें मानय् मजुम्हेसित छं धा:थें जक छाय् मानय् जुइगु ?
च्वाकिं: (आ: धा:सा तमं) स्व च्वापुका: छ अप्व: जान्या जुइमते न्हा: ...न्हाच: जिं छन्त न्हापाया सहपाठी ख: धका: ....छाय् त्म्वयेगु ....आ: ला छं अप्व: हे यात न्हां ....
च्वापुका: (छुं मतलब मयासे) छं छु जित: हासा दाया: भौ ख्यायेगु दाउ याना च्वनागु ला ....जिं छन्त धाये हे धुन नि ....चान्स हे मदु धका: ....गुलि क्व: थें क्वा: क्वा: हालाच्वंगु ....
च्वाकिं: ए ....जि हाला च्वनागु चाहिं छन्त क्व: हा:थें जुलका मखुला ....अले छ आम कुर्सिइ थाकुरा: थें त्याप्प प्यपुना च्वनागु यात छु धायेगु ले?
च्वापुका: छु धायेगु ? उलि नं मस्यूका मखुला छं राजनीति धायेगु का राजनीति .....नां धा:सा च्वाकिं हँ ...ज्या धा:सा भ्वातिं।
च्वाकिं: (आ: धा:सा रौद्ररुप क्यना:) छं जित: वा व: फय् व: याना: नानां तरहया खँ ल्हाना: बाइरोडया नौघुम्ती चा:हिकू थें चा:हिके मते स्व ....जि आम कुर्सिइ मच्वंसे त्व:ते हे मखु का हुं
च्वापुका: स्व च्वाकिं छं कुर्सिया लागि स्वंगू रस क्यने धुंकल हला ....तर छु याय् स्वंगू जक छु, नाटकया नवरस हे क्यना: कुर्सिया लागि इनाप या:सां जिं छन्त 1 बी मखु 2 बी मखु 3 बी मखु ...अझ छं सहमति व सहकार्य मयायेगु ख:सा 20/25 दं तक नं कायेखनी मखु का हुं ह .....
(च्वाकिं वातां च्वंम्ह च्वनंतुं जुइ।)
च्वापुका: जिं छन्त न्हापा धैथें या:गुसा आम्थे न्हिला: वा ख्वया: जित: इनाप याना च्वने हे मालीगु मखु ....उकें जिं धा:थें मानय् मजुम्हेसित छं धा:थें जक छाय् मानय् जुइगु ?
च्वाकिं: (आ: धा:सा तमं) स्व च्वापुका: छ अप्व: जान्या जुइमते न्हा: ...न्हाच: जिं छन्त न्हापाया सहपाठी ख: धका: ....छाय् त्म्वयेगु ....आ: ला छं अप्व: हे यात न्हां ....
च्वापुका: (छुं मतलब मयासे) छं छु जित: हासा दाया: भौ ख्यायेगु दाउ याना च्वनागु ला ....जिं छन्त धाये हे धुन नि ....चान्स हे मदु धका: ....गुलि क्व: थें क्वा: क्वा: हालाच्वंगु ....
च्वाकिं: ए ....जि हाला च्वनागु चाहिं छन्त क्व: हा:थें जुलका मखुला ....अले छ आम कुर्सिइ थाकुरा: थें त्याप्प प्यपुना च्वनागु यात छु धायेगु ले?
च्वापुका: छु धायेगु ? उलि नं मस्यूका मखुला छं राजनीति धायेगु का राजनीति .....नां धा:सा च्वाकिं हँ ...ज्या धा:सा भ्वातिं।
च्वाकिं: (आ: धा:सा रौद्ररुप क्यना:) छं जित: वा व: फय् व: याना: नानां तरहया खँ ल्हाना: बाइरोडया नौघुम्ती चा:हिकू थें चा:हिके मते स्व ....जि आम कुर्सिइ मच्वंसे त्व:ते हे मखु का हुं
च्वापुका: स्व च्वाकिं छं कुर्सिया लागि स्वंगू रस क्यने धुंकल हला ....तर छु याय् स्वंगू जक छु, नाटकया नवरस हे क्यना: कुर्सिया लागि इनाप या:सां जिं छन्त 1 बी मखु 2 बी मखु 3 बी मखु ...अझ छं सहमति व सहकार्य मयायेगु ख:सा 20/25 दं तक नं कायेखनी मखु का हुं ह .....
(च्वाकिं वातां च्वंम्ह च्वनंतुं जुइ।)
No comments:
Post a Comment