च्वाकिं भर्सेज च्वापुका:
(च्वाकिं व च्वापुका: ख्वा: ख्वा: चूलाका: छग: टेबलय् चुल्या दिका: ल्हा: ल्वाकाच्वनी ।)
च्वापुका: मखु अय् च्वाकिं ....गुखुन्हु थ्व संविधान सभा विघटन जुल.....वयां लिपाया दिनंनिसे झी थ्व चकं दबुलिइ धेंधें बल्ला: कासा हे न्ह्याना च्वन धा:सां छुं पाइमखु हला ?
च्वाकिं: गय् धें धें बल्ला: कासा धैगु ? ....शक्ति प्रदर्शन धाले शक्ति प्रदर्शन ....
च्वापुका: का म्वा:लका शक्ति प्रदर्शन हे धायेका ....गज्या:पिं मनुत धया थुपिं मा:थाय् शक्ति प्रदर्शन याना क्यनेफुगु मखु .....शक्ति प्रदर्शन धैगु ला व संविधान सभाय् धका: क्यने फयेके मा:गु .....शक्ति प्रदर्शन यायेगु थाय् चाहिं विघटन यायेगु हँ ....चकं दबुलिइ वया: शक्ति प्रदर्शनया उद्घाटन याना च्वन का स्व ....
च्वाकिं: छु मस्या मस्या छ्यं स्याका: शक्ति प्रदर्शन ....शक्ति प्रदर्शन धका: हाला च्वनागु धया: ....22 दलया 22 हजार हे मनूत मुंके मफुगु सभायात नं छुं शक्ति प्रदर्शन धायेगु न्हाय् हे वंक .....
च्वापुका: स्वनिग:या जनतातय्सं थुपिं संघियता विरोधी तय्गु धोती फुस्कय् याना बिमा: धका: चीर हरण याना ब्युगु धा:सा ठिक जुइ हला उखुन्हु ?
च्वाकिं: उपिं ला म्वाल का संघियता विरोधी जूल धका: जनतां तम्वं उमिगु सभाय् ब्वति मकासें विरोध प्वंकल धाये का .....तर प्रजातन्त्र विरोधी जन आन्दोलनया भिलेन ....ज्यानमारा चिगु सभाय् 22 दलया सिवें अप्व: गय् जुया: मनूत खनेदुगु ले? व धका:सा अजुचाइपुगु खँ ...
च्वापुका: मनु मू खँ धैगु ला छु अजुचाइपुगु खँ जुल धका:....अजुचाइपुगु खँ ला अज्या:म्ह ध्वंप्वाले सूवने धुंकूम्ह मनू थौं झिगु थ:थ:गु ल्वापुया फाइदा कया: छाती फर्केयाना: झी न्ह्य:ने थिंगरिंग दंवय् फुगु धका: अजुचाइपुगु खँ जुल .....
च्वाकिं: गन जुइ धका: व अजुचाइपुगु खँ....वला झिगु लागिइ ग्यानापुगु खँ जुलका ....सिइ धुंकुगु राजसंस्था यात थना हयेगु धका: धा:गु भूतयात थने धा:गु मखु ला? हानं झित भूतं दु:ख बिल कि "राम नाम सत्य हय्" मजू ला?
च्वापुका: वहे भूतयात बौ बिइत ला उखुन्हुया "बिशाल आमसभा" जूगुनि ....उलिनं मस्यूला छ च्वाकिं नं ......व 1 गतेया सभा ला थारान्हुइ मा:पिं फुक्क थारा हे न्हुल जुइ ।
च्वाकिं: मेपिं थारा न्हू मन्हु सिवें नं व कम्युनिष्टया जात धैगु दइमखु । उकें जि नेवा: मखु धा:म्हेसित थारा न्हुइकेगु जक मखु कि थारा न्हुइका: सात्तू कायेमायेक झारा नं याकेमाल का ....अले जक फुक्क संघियता विरोधीतय्गु छाती भारा भारा मिनी।
च्वापुका: मखु धया च्वाकिं ....थुपिं एकल जातीय पहिचान साहितया संघियता खना: छाय् थारा न्हुयाच्वंगु जिला धात्थें छक्क जुल बा....
च्वाकिं: छ छाय् छक्क जुइमा:गु ...छं थ:गु हालिमुहाली याये मखन कि छ छक्क जुइकि कर्पिन्त पक्क याइ ....अथे धैथें ला ख:नि ......थ:थ:गु स्वार्थ पुवंके खनिमखु धका: संघियता विरोध याना च्वंपिन्त व 1 गतेयागु सभा ला छगू त:धंगु हे झापड जुल बा ......
(च्वाकिं नं च्वापुका:यागु ल्वाका च्वंगु ल्हा:पा टेबुलय् क्व:थली ।)
(च्वाकिं व च्वापुका: ख्वा: ख्वा: चूलाका: छग: टेबलय् चुल्या दिका: ल्हा: ल्वाकाच्वनी ।)
च्वापुका: मखु अय् च्वाकिं ....गुखुन्हु थ्व संविधान सभा विघटन जुल.....वयां लिपाया दिनंनिसे झी थ्व चकं दबुलिइ धेंधें बल्ला: कासा हे न्ह्याना च्वन धा:सां छुं पाइमखु हला ?
च्वाकिं: गय् धें धें बल्ला: कासा धैगु ? ....शक्ति प्रदर्शन धाले शक्ति प्रदर्शन ....
च्वापुका: का म्वा:लका शक्ति प्रदर्शन हे धायेका ....गज्या:पिं मनुत धया थुपिं मा:थाय् शक्ति प्रदर्शन याना क्यनेफुगु मखु .....शक्ति प्रदर्शन धैगु ला व संविधान सभाय् धका: क्यने फयेके मा:गु .....शक्ति प्रदर्शन यायेगु थाय् चाहिं विघटन यायेगु हँ ....चकं दबुलिइ वया: शक्ति प्रदर्शनया उद्घाटन याना च्वन का स्व ....
च्वाकिं: छु मस्या मस्या छ्यं स्याका: शक्ति प्रदर्शन ....शक्ति प्रदर्शन धका: हाला च्वनागु धया: ....22 दलया 22 हजार हे मनूत मुंके मफुगु सभायात नं छुं शक्ति प्रदर्शन धायेगु न्हाय् हे वंक .....
च्वापुका: स्वनिग:या जनतातय्सं थुपिं संघियता विरोधी तय्गु धोती फुस्कय् याना बिमा: धका: चीर हरण याना ब्युगु धा:सा ठिक जुइ हला उखुन्हु ?
च्वाकिं: उपिं ला म्वाल का संघियता विरोधी जूल धका: जनतां तम्वं उमिगु सभाय् ब्वति मकासें विरोध प्वंकल धाये का .....तर प्रजातन्त्र विरोधी जन आन्दोलनया भिलेन ....ज्यानमारा चिगु सभाय् 22 दलया सिवें अप्व: गय् जुया: मनूत खनेदुगु ले? व धका:सा अजुचाइपुगु खँ ...
च्वापुका: मनु मू खँ धैगु ला छु अजुचाइपुगु खँ जुल धका:....अजुचाइपुगु खँ ला अज्या:म्ह ध्वंप्वाले सूवने धुंकूम्ह मनू थौं झिगु थ:थ:गु ल्वापुया फाइदा कया: छाती फर्केयाना: झी न्ह्य:ने थिंगरिंग दंवय् फुगु धका: अजुचाइपुगु खँ जुल .....
च्वाकिं: गन जुइ धका: व अजुचाइपुगु खँ....वला झिगु लागिइ ग्यानापुगु खँ जुलका ....सिइ धुंकुगु राजसंस्था यात थना हयेगु धका: धा:गु भूतयात थने धा:गु मखु ला? हानं झित भूतं दु:ख बिल कि "राम नाम सत्य हय्" मजू ला?
च्वापुका: वहे भूतयात बौ बिइत ला उखुन्हुया "बिशाल आमसभा" जूगुनि ....उलिनं मस्यूला छ च्वाकिं नं ......व 1 गतेया सभा ला थारान्हुइ मा:पिं फुक्क थारा हे न्हुल जुइ ।
च्वाकिं: मेपिं थारा न्हू मन्हु सिवें नं व कम्युनिष्टया जात धैगु दइमखु । उकें जि नेवा: मखु धा:म्हेसित थारा न्हुइकेगु जक मखु कि थारा न्हुइका: सात्तू कायेमायेक झारा नं याकेमाल का ....अले जक फुक्क संघियता विरोधीतय्गु छाती भारा भारा मिनी।
च्वापुका: मखु धया च्वाकिं ....थुपिं एकल जातीय पहिचान साहितया संघियता खना: छाय् थारा न्हुयाच्वंगु जिला धात्थें छक्क जुल बा....
च्वाकिं: छ छाय् छक्क जुइमा:गु ...छं थ:गु हालिमुहाली याये मखन कि छ छक्क जुइकि कर्पिन्त पक्क याइ ....अथे धैथें ला ख:नि ......थ:थ:गु स्वार्थ पुवंके खनिमखु धका: संघियता विरोध याना च्वंपिन्त व 1 गतेयागु सभा ला छगू त:धंगु हे झापड जुल बा ......
(च्वाकिं नं च्वापुका:यागु ल्वाका च्वंगु ल्हा:पा टेबुलय् क्व:थली ।)
